பிக்புட் , அந்தோனி கழகம் வெற்றி

திருகோணமலை உதை பந்து லீக் கழகங்களுக்கு இடையே  லீக் முறையில் சுற்றுப் போட்டியினை  நடத்தி வருகின்றது. மெக்கெய்சர் மைதானத்தில் இப்போட்டிகள் 10.11.2012 தொடக்கம்  போட்டிகள் நடைபெறுகின்றது. 7 கழகங்கள் இதில் பங்கு  கொள்கின்றன.
நேற்று ஞாயிற்றுக்கிழமை 09.12.2012 நடைபெற்ற முதலாவது போட்டியில் பிக்புட் கழகத்தை எதிர்த்து கிறீன்லைற் கழகம்  விளையாடியது. இதில் பிக்புட் கழகம்  7 - 0 என்ற கோல் கணக்கில் கிறீன்லைற்கழகத்தை வெற்றி கொண்டது.

இரண்டாவது போட்டி புனித அந்தோனி கழகத்திற்கும்  பற்றிமா கழகத்திற்கும் இடையே நடைபெற்றது. இதில் புனித அந்தோனி விளையாட்டுக் கழகம்  8 - 1 என்ற கோல் கணக்கில் பற்றிமா கழகத்தை வெற்றி கொண்டது.