மர்ம நபர்கள்

திருகோணமலையில் மீண்டும் மர்ம நபர்களின் அச்சுறுத்தல் ஏற்பட்டுள்ளது.  நிலாவெளி பொலிஸ் பிரிவில் இந்த அச்சம்  கடந்த வாரம் முதல்  தோன்றி உள்ளது.

மரண அறிவித்தல்

கிழக்கு மாகாண சபை உறுப்பினர் ஹசன் மௌலவி நேற்று செவ்வாய்க்கிழமை 12.08.2014 கண்டியில் காலமானார்.  சில மாத காலம் நோய்வாய்ப்பட்ட இவர் அங்கு சிகிற்சை பெற்று வந்தார். ஜனாசா நல்லடக்கம் இன்று புதன்கிழமை 13.08.2014 கிண்ணியாவில் இடம் பெறும்.

குண்டுத்தாக்குதல்

திருகோணமலை கண்டி வீதியில் 5வது மைல் கல் பிரதேசத்தில் வீடு ஒன்றின் மீது வெள்ளிக்கிழமை 08.08.2014 நள்ளிரவு மர்ம நபர்கள் கைக்குண்டு வீச்சு தாக்குதல் நடத்திஉள்ளனர். வீட்டில் சிறுசேதம் ஏற்பட்டுள்ளது. சீனன்குடா பொலிசார் விசாரணைகளை மேற்கொண்டு வருகின்றனர்.

பிணையில் விடுதலை

குச்சவெளி பிரதேச  சபையின் தலைவர் ஆ.முபாறக் பிணையில் விடுதலை செய்யப்பட்டுள்ளார்.  திருகோணமலை நீதவான் தி.சரவணராஜா இவரை இன்று வியாழக்கிழமை 07.08.2014 பிணையில் விடுவித்தார்.

விளக்கமறியல்

குச்சவெளி பிரதேச  சபையின் தவிசாளர் ஆ.முபாறக் ஒரு நாள் காவலில் வைக்கப்பட்டு உள்ளார். பதில நீதவான் தி.திருச்செந்தில்நாதன் இந்த உத்தரவினை இன்று புதன்கிழமை வழங்கி உள்ளார். போக்குவரத்து பொலிசார் ஒருவரை அச்சுறுதிய குற்றச்சாட்டில் இவர் மீது  புல்மோட்டை பொலிசாரால் வழக்கு பதிவு செய்யப்பட்டு இருந்தது.

விளக்கமறியல் நீடிப்பு

கதிரவன்

திருகோணமலை சிறைச்சாலையில் விள்க்கமறியலில் வைக்ககப்படடுள்ள 32 இந்திய மீனர்களுக்கும் மேலும் ஒரு வார காலம் விள்க்கமறியல் நீடிக்கப்பட்டள்ளது.

ஜனாதிபதி புலமைபபரிசில்

ஜனாதிபதி நிதியத்தில் இருந்து கிண்ணியா கல்வி வலயத்தைச் சேரந்த 77 மாணவர்களுக்கு புலமைப்பரிசில் வழங்கி வைக்கப்பட்டுள்ளது. கடந்த வருடம் நடைபெற்ற க.பொ.த. சாதாரண தரம் பரீட்சையில் திறமை சித்திகளைப் பெற்ற வருமானம் குறைந்த மாணவர்களுக்கே முதல் கட்டமாக  இவை வழங்கி வைக்கப்பட்டுள்ளது.

பொலிசாருக்கு விளக்க மறியல்

திருகோணமலையில் 2006 ஆம் வருடம் இடம் பெற்ற 5 மாணவர்களது மரணம் தொடர்பாக  12 பொலிசார் குற்றத் தடு்ப்பு பிரிவு பொலிசாரால் கைது செய்யப்பட்டுள்ளனர்.

மாகாண விளையாட்டு விழா

கிழக்கு மாகாண பாடசாலைகளுக்கு இடையிலான 18வது மெய்வல்லுநர்  போட்டிகள் சனிக்கிழமை 06.07.2013 காலை 9.00 மணிககு கிழக்கு பல்கலைக்கழக  மைதானத்தில் ஆரம்பித்து வைக்கப்படுகின்றது.  கிழ்க்கு மாகாண கல்வி பண்பாடு காணி போக்குவரத்து அமைச்சின் செயலாளர் ஏ.புஸ்பகுமார் பிரதம அதிதியாக  கலந்து சிறப்பிக்கின்றார். 17 கல்வி வலய்ங்களைச் சேர்ந்த 3600 மாணவர்க் இதில் பங்கேற்கின்றனர்.09.07.2013 செவ்வாய்க்கிழமை மாலை இறுதி நிகழ்வுகள் நடைபெறு்ம்.

கடுங்காற்று

திருகோணமலையில் இன்று மதியம் கடுங்காற்று 20 நிமிடங்கள் வரை  வீசியது. குப்பைகள் விதிகளில் அள்ளுண்டு சென்றதால் போக்குவரத்து இடைஞ்சல்களும் ஏற்பட்டது. முற்றவெளி மைதானத்தில் குவிக்கப்பட்ட மணல்மேடுகளில் இருந்து பெருமளவான புழுதிகளும் வெளிக்கிளம்பியது.
ஸ்ரீ கோணுஸ்வரா இந்துக் கல்லூரி மைதானத்தில் இயேசு சபையினால் நாளை நடைபெற உள்ள ஆராதனைக்கூட்டத்திற்காக  ஏற்படுத்தப்படடி்ருந்த 3 மின்விளக்கு கோபுரங்கள் வீழ்ந்து  நொருங்கின.

மாகாண மெய்வல்லுநர் போட்டி

கிழக்கு மாகாண18வது மெய்வல்லுநர் போட்டி சனிக்கிழமை 06.07.2013 காலை ஆரம்பித்து வைக்கப்படுகின்றது. கிழக்கு மாகாண கல்வி பணிப்பாளர் எம்.ரீ.ஏ.நிசாம் தலைமையில் உடற்கல்வி உதவிக் கல்வி பணிப்பாளர் ஜெ.உதயரெட்ணம் இதனை நெறிப்படுத்துகின்றார்.

கிராம சேவையாளர் மீது தாக்குதல்

கோணேசபுரி கிராம சேவை அலுவலகர் மீது பிரதேச வாசிகள் தாக்குதல் மேற்கொண்டுள்ளனர். இச்சம்பவம்  இன்று வியாழக்கிழமை 04.07.2103 மதியம் சாம்பல்தீவீல் உள்ளஅலுவலகத்தில் இடம் பெற்றுள்ளது.  திருகோணமலை பொது வைத்தியசாலையில் விபத்து பிரிவில் சிகிற்சைக்காக அனுமதிக்கப்பட்டுள்ளார். உப்புவெளி பொலிசார் விசாரணைகளை மேற்கொண்டு இருவரைக் கைது செய்துள்ளனர்.

துண்டிக்கப்பட்ட கை பொருத்தப்பட்டது.

முற்றாக துண்டிக்கப்பட்ட கையினை சத்திரசிகிச்சை மூலம் மீண்டும் பொருத்தி, திருகோணமலை பொது வைத்தியசாலை வைத்தியர்கள் சாதனை படைத்துள்ளனர். இச்சிகிச்சை கடந்த மாதம் 26ஆம் திகதி மேற்கொள்ளப்பட் டுள்ளது.

 

அறுவை சிகிச்சை நிபுணர் ரொகான் சிறினோ தலைமையிலான வைத்தியர் குழுவே மேற்படி சிகிச்சையினை வெற்றிகரமாக மேற்கொண்டுள்ளனர்.

இதுவரை காலமும் இவ்வாறான சிகிச்சைகள் கண்டி, கொழும்பு போன்ற மருத்துவமனைகளிலேயே மேற்கொள்ளப்பட்டது. திருகோணமலை
வைத்தியசாலைக்கு வரும் நோயாளர்கள் இவ்வாறான மருத்துவமனைக்கே அனுப்பப்படுவது வழக்கம். தற்போது திருகோணமலை பொது வைத்தியசாலையில் சகல சிகிச்சைகளும் மேற்கொள்ளப்படுகின்றமை குறிப்பிடத்தக்கது.

பழைய மாணவர் தினம்

திருகோணமலை இராம கிருஷ்ண சங்கம் ஸ்ரீ கோணேஸ்வரா இந்துக் கல்லூரி பழைய மாணவர் தினம் ஒன்றுகூடல் இன்று ஞாயிற்றுக்கிழமை  30.06.2013 நடைபெற்றது.  கல்லூரி திறந்த வெளி  அரங்கில் இந்நிகழ்வு நடைபெற்றது.  10வது வருடமாக இவ் ஒன்றுகூடல் நடத்தப்பட்டு வருகின்றது

சித்திர கண்காட்சி

திருகோணமலை சிததிர கலைக்கூடத்தின் முதலாவது  சிறுவர் சித்தர கண்காட்சி  உவர்மலை விவேகாநந்தா கல்லூரியில் சனிக்கிழமை காலை நடைபெற்றது. கிழக்கு மாகாண கலாசார பணிப்பாளர் வெலிகல பிரதம அதிதியாகவும், தமிழ் எழுத்தாளர் ஊக்குவிப்பு மையத்தின் பணிப்பாளர் ஓ.கே.குணநாதன் கௌரவ விருந்தினராகவும் கலந்து சிறப்பித்தனர்.

ஸ்ரீ கோணேஸ்வரா இந்துக் கல்லூரி சித்திர பாட ஆசிரியர் அ.அருள்பாஸ்கரனால் இந்த சித்திர கலைக்கூடம் நிர்வகிக்கப்பட்டு வருகின்றது.

பதவி ஏற்பு

திருகோணமலை நியு  செஞ்சுரி லயன்ஸ் கழகத்தின் புதிய நிர்வாகிகள் பதவியேற்பு நிகழ்வு சனிக்கிழமை 29.06.2013 மாலை நடைபெற்றது. புதிய வருடத்துக்கான தலைவராக மார்ட்டீன் ஜெயக்காந் பதவி எற்றுக் கொண்டார்.

மெய்வல்லுநர் போட்டி ஒத்திவைப்பு

கிழக்கு மாகாண பாடசாலைகளுக்கு இடையிலான  18 வது மெய்வல்லுநர் போட்டி ஒத்தி வைக்கப்பட்டுள்ளது. திங்கட்கிழமை தொடக்கம் நடத்தப்பட இருந்த இப்போட்டி சனிக்கிழமைக்கு ஒத்தி வைக்கப்பட்டுள்ளது.  இது 06.07.2013 தொடக்கம் 09.07.2013 வரை கிழக்கு பல்கலைக்கழ மைதானத்தில் நடத்தப்பட உள்ளது.

சிறிய நடுத்தர வியாபார முயற்சி

யுனியன் வங்கியின் திருகோணமலை கிளையின் ஏற்பாட்டில்  சிறிய நடுத்தர முதலீட்டாளர்களுக்கு  தொழிலை ஆரம்பிப்பது. அதனை கொண்ட நடத்துவது என்பன பற்றி வழிப்புட்டும் பயிற்சி செயலமரவு ஒன்று நடத்தப்பட்டது.
கண்டி வீதி நான்காவது மைல் கல்லில்  அமைந்துள்ள மாவட்ட செயலாளர் அலுவலக மாநாட்டு மண்டபத்தில் வங்கியின் முகாமையாளர்  வருண பொன்சேகா தலைமையில் நடத்தப்பட்டது.

ஆசிரியர் போராட்டம்

இலங்கை ஆசிரியர் சஙகத்தின் ஏற்பாட்டில் கவனயீர்ப்பு  போராட்டம் ஒன்று மேற்கொள்ளப்பட்டுள்ளது. கிழக்கு மாகாண கல்வி அமைச்சின் முன்னால் இப்போராட்டம் மதியம் 2.0 மணி தொடக்கம் 2.45 மணி வரை நடத்தப்பெற்றது. இதில் சங்கத்தின் பொதுச் செயலாளர் யோசெப் ஸ்டாலின் கலந்து கொண்டார்.

கிண்ணியாவில் பதற்றம்

கிண்ணியா குட்டிக்கராச்சி என்னும் இடத்தில் க்ளத்தனமாக விறகு ஏற்றி வந்த  ஆறு வண்டிகல்கள் விசேட அதிரடிப்படையினரால் இன்று செவ்வாயக்கிழமை 18.06.2013 பிடிக்கப்பட்டது. அதனை விடுவிக்குமாறு பிரதேசவாசிகள்ஆர்ப்பாட்ம் செய்தனர். இதன்போது விசேட் அதிரடிப்படையினர் மீது கல் வீச்சு மேற்கொள்ளப்பட்டது. நிலைமையைச் சமாளிக்க அவர்கள் தாக்குதல் மேற்கொண்டார்கள். மக்கள் கூட்டம் அதிகரித்தது. மேலதிகமாக படையினர் அங்கு வரவழைக்கப்பட்டனர். மக்களைக் கலைக்க  கண்ணீர் புகையும் பிரயோகிக்கப்பட்டுள்ளது.